IDEOGRAMA, LAN PROZEDURA, INSPIRAZIOA ETA MAKETA
Ideograma:
Ideograma honetan proiektuaren ezaugarririk garrantzitsuenak agertzen dira, nire ustez ezaugarri hauek bere kokapena, bistak eta hiriko gainerako kostako elementuak dira. Elementu hauengatik izango ez balitz, Donostia ez zen den bezain ezaguna izango inondik inora ere. Gainera, elementu horietariko batzuk inspirazio modura balio izango didate proiektuari forma ematerakoan.
Lan prozedura:
Hiriaren eta bertako elementu garrantzitsuenen mapa bat egiten hasi nintzen eta hortik aurrera hiriaren kloma, eta bestelako datuak eskuratu nituen. Hondartzara ere bisita pare bat egin nuen lekuaren baldintzez jabetzeko.
Donostiar tradizioaren hainbat elementu sartzea pentsatu nuen hasieran, trainerak adibidez, baina irtenbiderik ikusi ez eta kuboetan zentratu nintzen, Moneoren Kursaal-aren antzera, baina transparenteago, guztiz diafanoa, egunez ikusezina ia eta gauez koloretako argi kaxa baten itxura izango zuena. Dena den, honek ere ez ninduen gehiegi konbentzitu, eta azkenik kokalekuari eman nion garrantzia, kokalekua eta ingurunea elementu bakar batean nola nahastu bilatuz, hiria hondartzaranz sartu eta hondartza hiriruntz. Horrek eta badiako hiru elementu geografiko nagusien eman zidaten azkeneko pista, eta hiru espaziotan banatutako lokala planteatu nuen, barruko eta kanpoko espazioekin, denek ikusmira ederrak dituztelarik.
Inspirazioa:
Inspirazioa leku askotatik eskuratu dut. Lehenik eta behin donostia hirian bertan ditugun elementuetatik, Peña Gancheguiren lana haizeen orrazi inguruan (Arkitekto honen inguruko ezagutzak handitu nintuen joan zen asteazkeneko ariketan), Moneoren kuboak Kursaalen... Gancheguiren harriaren erabilerak, lurra eta itsasoa erlazionatzean eta bideei ematen dien forma geometrikoa oso erakargarria egiten zait, eta bere pasealekutik hurbil dagoen proiektu bat izatean, nolabaiteko jarraipen bat ematea pentsatu dut, omenaldi modura, eskailerek osatzen duten plataformatxoak arkitekto euskaldunaren formak gogorarazten baititu. Imanolena etxeko eskaileren antzekoa ere izan daiteke plataforma hau.
Baina lehenagoik ikusitako beste arkitekto batzuek ere eragina izan dute. Ondarretako ondartza asko aldatzen da, eta azken egunetakoa bezalako denboraleek itsasoa zein arriskutsua izan daitekeen erakusten digute, beraz, lurretik separatutako egitura bat egokia izango zela ondorioztatu nuen. Honetan maixua da Mies Van der Rohe, Farnsworth etxe famatuan ikusi dezakegun bezala, eta gainera, bere ingurunearekiko konexioaren ideiak, beirate handiak erabiliz pareten ordez, gure proiektuarekin erabat bat zetorrela iruditu zitzaidan.
GANCHEGUI:
GASTEIZ:
IMANOLENA:
DONOSTIA:
MONEO:
DONOSTIAKO KURSAAL FAMATUA
MIES VAN DER ROHE:
ILINOIS INSITUTE OF TECHNOLOGY
FARNSWORTH ETXEA EEUU
Lan maketa:
lan maketa gida bat besterik ez den arren, proiektuaren ideia nahiko ondo hartzen duela iruditzen zait, hiru norabideak, kristalaren iragazkarritasuna, itsasoarekiko lotura, inguruko beste elementu arkitektonikoekin nolabaiteko erlazioa (Gancheguiren paseoa, Moneoren kuboak...)
