Tailer Bateratuko Proiektua

Azken astean eta lan askoren ondoren Tailer bateratuaren entrega egin genuen. Azken egunetan lan da lan aritu baginen ere, entrega guztiz bukatzeko deborarik ez genuen izan zenbaitek, eta oraingo sarrera honen eskasia horren adibide da. Azken momentuan eta presaka atera nituen arazkiak, eta planoenak bakarrik dira erabilgarriak, beraz hauek igoko ditut. Aurrerago maketa jasotzean argazki hobeak ateratzen saiatuko naiz.
Hona hemen entregan aurkeztutako dokumentuak:

Hemen ideogrma sinple bat aurki dezakegu, eraikinaren esentzia adierazten duena.

Azpian eta txikiago proiektuaren eboluzioa ikusi daiteke, etxe tipiko baten itxura izatetik forma definitibora iritsi arte.

Lehen tailer egunean egin genuen marrazkia dugu hemen, eraiknaren kokapena eta ingurua ulertzeko balio beharko ziguna.

Azkenik nire etxea egiteko inspirazio iturriak ditugu.

Esan bezala, hemen planoak eta orokorrean paperean egindako lana ageri da, maketen argazkiak aurrerago igoko ditut.

URBANIZED- Dokumentala

Urbanized dokumentalak hirien garrantziari buruz hitz egiten digu. Mundu osoko hiri desberdinak eredutzat hartuta eta berhauetan lanean dabiltzan jendea (arkitektoak, paisajistak, alkateak...) entrebistatuz, gaur egungo hiriek gainditu behar dituzten arazoak azaltzen ditu. 

Gainpopulazioa, pobrezia, amerikar hirien biztanleriaren jaitsiera suburbioen mesedetan edota urbanismo proiektu ekonomizista eta jendearengandik hurrunduak dira jorratzen diren gaietako batzuk.

Hiriak munduko aldaketen erdigune izan dira, eta hauetan jendearen arteko truke ekonomiko eta kulturala gauzatzen da. Hau honela, hirietan lan arkitektural handia egin behar da, ikuspuntu oso sozial batetik, bizigarritasuna bermatuz eta mundu hobe baten alde eginez.

Hemen dokumentalean agertzen diren hainbat gai aipatzen ditut.

 New York-eko High linearen zaharberritzea.

Cape Town-eko auzo beltzak seguruago egiteko proiektua

Shangai hiria, Biztanleria asko hazi den hirietan jarraitu
 den eraikuntza politika oso garrantzitsua da hauek bizigarriak
 izateko

Basoa

Gaur oso iluntze polita egon da Elgean, eta kamera hartu eta basotik paseo bat egitera joan naiz. Berandu samar zen jada, eta ez naiz batere argazkilari ona, beraz ezin izan dut irudi ikusgarririk eskuratu, baina basoan murgildu naiz eta bere koloreak, formak eta txokoak ulertzen saiatu naiz.

Hemen jarriko ditut nire ustez argazkirik onenak.

Ikusten denez hasieran argitasun zuzena bazegoen, eta argi izpiek arboletan kolore gorria pizten zuten, baina gero eta argi gutxiago egon ahala eta zerumuga gorriztuz joan den heinean arbolak bereiztea gero eta zailagoa da, eta basoa masa ilun adartxu bat bilakatzen da. Momentu eta urtaro bakoitzak bere berezitasunak ditu, eta denak apreziatu eta kontutan hartu behar dira.

Casa Collage liburuaren irakurketa

Lauhileko honetan CasaCollage liburua irakuri dut. Liburu honetan etxebizitzari, bere espazio eta hauek erabiltzeko moduari buruzko erreflexio bat egitera gonbidatzen gaitu. Urteetan zehar etxeak eta eremuen distribuzioak izan duten bilakaera azaltzen digu, eta etorkizuneko etxeak nolakoak izan beharko luketen pentsarazten digu.